Bu 4 günlük təlimdə bizim məqsədimiz iştirakçıların ictimai məkandakı gündəlik queertəcrübələrini, xatirələrini, və qarşılaşmalarını - həm çətinlik, həm də sevinclə dolu məqamları - açıq şəkildə bəyan edib, müzakirəyə qoya bilməsi üçün fərqli formatlar təklif edən təhlükəsiz məkan - müvəqqəti platforma yaratmaqdır.

Bu queer təcrübələri görünürləşdirmək məqsədilə təlimin hasilatını öz intuitiv biliklərini, öz təcrübələrini və şəxsi bacarıqlarını istifadə edərək məkanların çoxformatlı portretlərini və onların daxilində cərəyan edən queer narrativləri inşa edən iştirakçıların özlərinin konseptləşdirdiyi və reallaşdırdığı video, səs yazıları, rəsm, və ya queerliyin yazılı ifadələrindən ibarət məcmuə təşkil edəcək.

Bu fərqli format və hasilatlar “Ortaq Məkanın Queerləşdirilməsi” arxivinə yüklənəcək. Beləliklə, iştirakçıların hekayə və təcrübələri (anonim) görünürlük qazanaraq, öz yaşamını davam etdirəcək və başqalarına ilham və güc mənbəyi kimi xidmət edəcək.

Təlim Gürcüstan Goethe-İnstitutda baş tutacaq nümayişlərdən ibarət film proqramı ilə müşayiət olunacaq. Təlimin sonunda 4 layihə Salaam Cinema və Untitled Gallery-də nümayiş üçün seçiləcək. Seçilmiş layihələrin sərgisini QTDQ maliyyələşdirəcək.