Təxminən 50 il animator-rəssam kimi fəaliyyət göstərdikdən sonra görkəmli sənətkar Elçin Axundov təqaüdə çıxmaq məcburiyyətində qalıb. Bir çox məşhur sovet cizgi filminə həyat vermiş Axundov indi yeni həyatı ilə barışmağa çalışır. Gələcək nəsil animatorlar yetişdirmək, onlara təhsil vermək imkanından yaşlı olması səbəbindən məhrum olan sənətkar məhdud resurslarla yaradıcı fəaliyyətini davam etdirməyə cəhd göstərir. “Kukla-kukla oynamaq” hazırda düzəltdiyi kağız kuklalarla əhatələnən Elçin Axundovun həyatı, yaşı, yaradıcılığı və yeni nəsil ilə biliklərini bölüşmək ehtiyacı haqqında sənədli filmdir.

Kimiləri küçələrdə və meydanlarda mübarizə apararkən, kimisi də sosial şəbəkələrdə vuruşur.

Gənc proqramçı əməkdaşlıq və sülh haqqında insanları maarifləndirmək üçün video oyunların gücündən istifadə edir.

54 yaşlı Əfqan Məhərrəmov 20 ilə yaxındır Bakının mərkəzi küçələrində taksi sürür. O, ailəsinin yeganə gəlir mənbəyidir. Ancaq bir çox klassik taksi sürücüsü kimi, o da yeni texnologiyadan – mobil tətbiqlərdən yararlanan şirkətlərlə rəqabətə girə bilmir. Məhərrəmov deyir ki, əmək bazarında ənənəvi taksi fəaliyyəti getdikcə yoxa çıxır, onun kimi sürücülər dolanışığını təmin etməkdə çətinlik çəkir. Bakıda işləyən minə yaxın sürücü 2020-ci ilin yayından bəri taksi şirkətlərini boykot edir. Onlar hüquqlarını qorumaq üçün Taksi Sürücülərinin İctimai Birliyini də təsis ediblər. Bununla belə, bir çox insan, o cümlədən gənc sahibkar Rəhim Xoyski texnologiyanın gələcəyinə inanır. Bir müddət mobil tətbiqlərə qoşulub taksi sürücüsü kimi işləmiş Rəhim özü hazırda sürücülər və sərnişinlər üçün yeni bir mobil tətbiq hazırlamaqdadır. ______________________________________________________________________________________________ Bu material Avropa İttifaqı (Aİ) və Birləşmiş Millətlər Təşkilatının İnkişaf Proqramının (BMTİP) birgə təşəbbüsü olan COBERM-in dəstəyi ilə nəşr edilib. Məzmunla əlaqədar yeganə məsul tərəf Chai Khanadır və burada səsləndirilən fikirlər heç bir halda Aİ və ya BMTİP-in mövqeyini əks etdirmir. ______________________________________________________________________________________________

Oğlan övlad istəyən ailənin dördüncü qızına Qızbəs adı verilib, qıza “bəs” demək üçün. Lakin Qızbəs qoymayıb ki, adı onun taleyini müəyyən etsin. O, bu gün Lənkəranda yerli musiqini qorumaq üçün istedad, cəsarət və əzm göstərən qadınlardan ibarət folklor ansamblına rəhbərlik edir. Bu material Avropa İttifaqı (Aİ) və Birləşmiş Millətlər Təşkilatının İnkişaf Proqramının (BMTİP) birgə təşəbbüsü olan COBERM-in dəstəyi ilə nəşr edilib. Məzmunla əlaqədar yeganə məsul tərəf Chai Khanadır və burada səsləndirilən fikirlər heç bir halda Aİ və ya BMTİP-in mövqeyini əks etdirmir.