Տնային գործերից ազատվելուց հետո հայ ու ադրբեջանցի հարևան կանայք սովորություն ունեին նստելու, թեյ խմելու ու զրույց անելու։ Սա իրենց խաղաղության պահն էր։ Այսօր, կանայք նույն հոգսերն ու սովորությունն ունեն, բայց հարևանները չկան։ Ղարաբաղյան հակամարտությունը փակեց սահմանները հայերի ու ադրբեջանցիների միջև, լարվածություն մտցրեց մարդկանց կյանքում ու հարաբերություններում։

Ուսանողական միգրացիան դարձել է մերօրյա թրենդ, գլոբալիզացիայի դրական հետևանք։ Հայաստանցի երիտասարդ մասնագետները, որոնք կրթություն են ստանում արտասահմանում, նկարահանել են իրենց ամենօրյա կյանքը և ներկայացրել այն մարտահրավերներն ու հնարավորությունները, որոնցով իրենց դիմավորել է հյուրընկալող երկիրը։ Նրանք պատմում են իրենց արտասահմանյան ներկայի ու Հայաստանի հետ կապված ապագայի մասին։ Ֆիլմի հերոսները ոչ միայն իրենց ապագայի կերտողներն են, այլև իրենց մասին ֆիլմի․ ֆիլմը հիմնված է հերոսների նկարահանած տեսանյութերի վրա։