Իննա Մխիթարյանը ֆոտոժուռնալիստ է Հայաստանից: Նա իր գործունեությունը սկսել է 2006-ից` Լրատվամիջոցների Կովկասյան Ինստիտուտում World Press Photo-ի կողմից կազմակերպված ֆոտոլրագրության դասընթացն ավարտելուց հետո: Իննան հիմնականում աշխատում է երկարաժամկետ նախագծերի վրա: Ստացել է Բաց Հասարակության Հիմնադրամների փաստագրական լուսանկարչության դրամաշնորհը: 2010- 2011 թվականներին արժանացել է Բրիտանական խորհրդի Նա/Նե ամենամյա լրագրողական մրցույթի 1-ին և 2-րդ մրցանակներին:
Նվագելիս նրանց աչքերը փայլում են ադամանդի պես: Թերեւս հենց այդ պատճառով էլ երաժշտական այս խմբի անունը «Diamonds» է (անգլերենից թարգմանաբար` ադամանդներ): Բացառապես դեռահաս աղջիկներից կազմված ռոք խումբը գործում է Արագածոտնի մարզի Ապարան քաղաքում, ուր կանանց հիմնական զբաղմունքը ամուսնանալն ու ընտանիք կազմելն է: Ալլան, Էլիդան, Հռիփսիմեն և Մարիկան կարծրատիպեր են կոտրում դեռ 2014-ից։ Ամեն ինչ սկսվեց տեղի երաժշտական դպրոցում, երբ նրանց այժմ հանգուցյալ կիթառի ուսուցիչ Արծվի Քոչարյանը ընտրեց իր լավագույն սաներին և Մշակույթի տանը երկու ռոք խումբ ստեղծեց․ տղաների խումբը կոչվեց «Բազիլիկ», իսկ աղջիկներինը՝ «Դայմոնդս»։
Երեւանի Ազատության հրապարակը հայերի անկախության, ազատության եւ սոցիալական արդարության ձգտման վկան է: Տասնամյակներ շարունակ քաղաքի սրտում տեղակայված այս հրապարակը եղել է վայր, որտեղ հայերը հավաքվել են հիշատակելու տարբեր իրադարձություններ, բարձրաձայնելու իրենց դժգոհությունն ու փոփոխությունների պահանջը:
26-ամյա Հասմիկ Անդրեասյանն աստղագետի դուստր է եւ մեծացել է Հայաստանի ամենամեծ` Բյուրականի աստղադիտարանի հարեւանությամբ: Այսօր գնում է հոր հետքերով եւ աստղադիտարանում աշխատող երիտասարդ ինը կին աստղագետներից մեկն է: Հայկական աստղագիտությունը, հատկապես Բյուրականի աստղադիտարանը, հարուստ պատմություն ունի: Հայ աստղագետները մեծ բացահայտումներ են արել այս ոլորտում, հատկապես աստղաֆիզիկայի: Ժամանակակից աստղագիտության լեգենգ Վիկտոր Համաբարձումյանը, որը նաեւ աստղադիտարանի հիմնադիրն է, ազգությամբ հայ է:
Բազմազբաղ Երևանում, ամեն օր աճող գեղեցկության սրահների կողքին, կա մի վարսավիրանոց տղամարդկանց համար` «Տոլիկի մոտ»: Հենց այսպես կարող ես գտնել 67-ամյա վարպետ Տոլիկի՝ խորհրդային ոճի վարսավիրանոցը։ Այստեղ տղամարդիկ, կարծես, իրենց առանձին ժամանակով ու հատուկ մթնոլորտով ապրեն։ «Ծանր» գլխին ի՞նչ է պետք. մեկ վարսավիր, որ մազերը «թեթևացնի», մեկ էլ՝ լսող ականջ։ Վարպետ Տոլիկի 40 տարվա հաճախորդները միայն տղամարդիկ են։ Պատրիարխատ հասարակության մեջ 15 մետր քառակուսի այս անկյունում է միայն, որ տղամարդիկ կարող են իրենց ազատ զգալ՝ վարպետ Տոլիկին վստահելով ոչ միայն իրենց գլուխը, այլև պատմությունները, անհանգստություններն ու երբեմն էլ՝ բողոքը։
Հայաստանի հյուսիսում գտնվող Լոռու մարզի Ախթալա քաղաքը երկրի ամենահին հանքարդյունաբերական կենտրոններից է:
Վերջին օրերին ու շաբաթներին բնակավայրից չհեռանալու սահմանափակման պատճառով մեր փոքրիկ թաղամասի ու հարևանների հանդեպ վերաբերմունքս փոխվել է: Հետևում եմ նրանց ու հետազոտում եմ քաղաքի ինձ համար տեսանելի հատվածը, մտքում փորձում ամբողջացնել ֆոտոնախագծի գաղափարը մեր նոր իրականության մասին՝ մի աշխարհի, որը սահմանափակված է անթիվ նոր սահմանափակումներով: