მარნეულის მუნიციპალიტეტის სოფელი თამარისი მარწყვის კულტურის მოყვანით ათწლეულებია ცნობილია. ერთი წლის წინ კი სოფელში ჩვეულებრივი ბაღის მარწყვის გვერდით გაჩნდა თანამედროვე ტექნოლოგიებით აღჭურვილი მარწყვის სასათბურე მეურნეობა. ჩვენი სიუჟეტიდან თამარისელ ფერმერებს გაიცნობთ , გაიგებთ როგორ მოჰყავთ მათ მარწყვი და რა ძირითადი განსხვავებაა სასათბურე მეურნეობაში მოყვანილ მარწყვსა და  და ე.წ ბაღის მარწყვს შორის.

აფხაზეთის ომის ვეტერანი ლამზირა მეგრელიშვილი დღეს მარნეულში, აზერბაიჯანულ რესტორანში მუშაობს. ავტომატით ხელში, აფხაზეთის ომის დროს, მას საკუთარი ხელით მიჰქონდა ომის წინა ხაზზე საჭმელი. ლამზირამ ომში შვილი დაკარგა. ნახეთ სიუჟეტი 63 წლის ქალზე, რომელსაც დღემდე მძიმე შრომით გააქვს თავი.

მარნეულის მუნიციპალიტეტის სოფელი შაუმიანის ე.წ „სამხედრო გარადოკი“ 2008 წლის ომის შემდეგ 187 დევნილი ოჯახისათვის ერთადერთ თავშესაფრად იქცა. დასახლებაში თითქმის ყველა უმუშევარია, ახალგაზრდები კი განათლებას ამავე დასახლებაში არსებულ საბავშვო ბაღებსა და სკოლებში იღებენ. ჩვენს სიუჟეტში ნახავთ, როგორ ასწავლის ამერიკელი პედაგოგი ინგლისურს პატარა ლიახვიდან დევნილ 14 წლის მარიამ ბერუაშვილს.

„ყველაფერი ახალი კარგად დავიწყებული ძველია“ - ეს გამოთქმა ყველაზე უკეთ გადმოსცემს მთავარ სათქმელს იმ ამბისა, რის მოყოლასაც თქვენთვის ვაპირებ. ჯგუფი „გამოუვალი მდგომარეობა“ ფილმის მთავარი პერსონაჟია, ეს ჯგუფი ერთერთი ქართული პოპულარული სერიალიდან პირდაპირ რეალობაში გადმოვიდა და მსმენელს ქართული 90-იანი წლების მუსიკის ახლებური ვარიანტი შესთავაზა. „კართან მოდგა შემოდგომა“, „სიყვარული ძნელია“, „გემი“ - ამ სიმღერების ქავერები ახალი ტონალობით, ტექსტითა და ჟღერადობით ახალი თაობის საყვარელი კომპოზიციები გახდა. ჯგუფის წევრები 90-იანი წლების თაობაა და მათთვისაც ბავშვობასთან, ახალგაზრდობასთან ასოცირდება ის სიმღერები, რომლებსაც ახლებური ვარიანტით სთავაზობენ მსმენელებს.