ბუქმობილი - ავტობუსში მოწყობილი სასწავლო ოთახი ბავშვებისთვის, ვარშავა, ოღონდ არა ქალაქი, არამედ ღამის ბარი თბილისში, ეს ის ადგილებია, სადაც 24 წლის, მომავალი ფსიქოლოგი თომა, ცხოვრობს და მუშაობს მონაცვლეობით, დღისით თუ ღამით, ხანდახან კი ისე უმართლებს, რომ ლოგინშიც იძინებს.   თომას არ აქვს სახლი, ის იძულებით გადაადგილებულია ახალგორიდან.

საქართველოში ლომისობას აღდგომის მეშვიდე კვირას აღნიშნავენ, სოფელ მლეთაში, დუშეთის რაიონში. ყოველწლიურად, სოფელში ათასობით ადამიანი ამოდის და მსხვერპლად ცხვარს წირავენ, შემდეგ ადიან მთაზე, სადაც ლომისას წმინდა გიორგის ტაძარში ლეგენდად ქცეული, სასწაულმოქმედი ჯაჭვი ინახება.

ფილმი ერთ-ერთ მემატიანეზეა, რომელმაც უანგაროდ შემოგვინახა ისტორია. ის დღესაც, დეკადების შემდეგაც არ ფიქრობს დიდებაზე, გამორჩენასა თუ სახელზე. ასეთი ადამიანები ძალიან ცოტანი არიან, მაგრამ ისინი არსებობენ. ერთ-ერთი მათგანი ნაზი გაბაიძეა.