Chai Khana აცხადებს მოკლემეტრაჟიანი დოკუმენტური პროექტის წინადადებების მიღებას რეჟისორებისთვის, რომლებიც მზად არიან, გადაიღონ ცვლილებებზე ორიენტირებული შემოქმედებითი დოკუმენტური ფილმები, პარტნიორებთან ერთად შეიმუშაონ კამპანია [Impact campaign] და ჩაერთონ მაყურებელთან პირდაპირი კომუნიკაციის პროცესში. 

 

ფილმის პროექტზე მუშაობა მრავალეტაპიან პროცესს მოიაზრებს, რაც რეჟისორების, ჟურნალისტების, Chai Khana-ს გუნდის და ინდუსტრიის სპეციალისტების თანამშრომლობას გულისხმობს. პროცესის მნიშვნელოვანი ეტაპია ფილმთან დაკავშირებული კამპანიის სტრატეგიის შემუშავება, რასთან დაკავშირებითაც შერჩეული რეჟისორები სპეციალურ ტრენინგ-კურსს გაივლიან. 

 

პროექტის ფარგლებში მომზადებული ფილმები Chai Khana-ს და ვებგვერდებსა და სოციალური მედიის არხებზე გამოქვეყნდება. 

 

პროექტის ხანგრძლივობა —  13 თვე

 

- აპლიკაციის გამოგზავნის ბოლო ვადა — 19 იანვარი, 2025 

- ტრენინგი კამპანიის [Impact campaign] დაგეგმვის და განხორციელების შესახებ — თებერვალი, 2025 

- ფილმის გადაღება და კამპანიის სტრატეგიის პარალელური შემუშავება —  თებერვალი - ივლისი, 2025 

- პირველი სამუშაო ვერსიის [First cut] გამოგზავნის ვადა —  20 ივნისი, 2025

- ფილმის საბოლოო ვერსიის წარდგენის ვადა — 20 ივლისი, 2025

- ფილმის გამოქვეყნების და კამპანიის ჩატარების ვადები: ივლისი, 2025 /იანვარი, 2026 

 

ფილმისთვის გამოყოფილი ბიუჯეტი ჰონორარისა და საწარმოო ხარჯების ჩათვლით —  2700 ევრო [კანონმდებლობით გათვალისწინებულ ყველა გადასახადის ჩათვლით, Gross]

 

* კამპანიის [Impact campaign] განხორციელებისთვის პროექტის ფარგლებში გათვალისწინებულია დამატებითი ბიუჯეტი.

აპლიკაციის ფორმა