22 მაისი მსოფლიო ბიომრავალფეროვნების დღეა, ამ დღესთან დაკავშირებით National Geographic მართავს ფოტოკონკურსს „მოძრაობა და მოგზაურობა − ყველაფერი კავშირშია“.

არსებული სიტუაციის გათვალისწინებით, საკონკურსოდ მიიღება როგორც ახალი, ასევე უკანასკნელი 3 წლის მანძილზე გადაღებული კადრი. მისაღებია მობილური ტელეფონით გადაღებული კადრებიც. მთავარია ის ასახავდეს მოგზაურობას, მოძრაობას და იმ კავშირს, რომელიც თქვენ კონკრეტული ადგილის მიმართ გაგაჩნიათ.

I - პრიზი iPhone12. კადრი დაიბეჭდება ჟურნალში National Geographic Magazine - საქართველო.

II - პრიზი 1500 ლარიანი ვაუჩერი ფოტოტექნიკის შესაძენად. კადრი დაიბეჭდება ჟურნალში National Geographic Magazine - საქართველო.

III - ადგილი გამოვლინდება ჟიურის მიერ ხალხის სიმპათიის გათვალისწინებით. პრიზი 1000 ლარიანი ვაუჩერი ფოტოტექნიკის შესაძენად.

სამივე გამარჯვებული ფოტო გამოქვეყნდება National Geographic Magazine - საქართველოს ვებგვერდზე.

პროექტი ხორციელდება: კომპანია „სილქნეტის“ მხარდაჭერით.

 

დეტალების სანახავად და ფოტოების ასატვირთად, გთხოვთ ეწვიოთ National Geographic-ს გვერდს.