Მშვიდობისა და ომის გასაყარზე, პოლონეთი-უკრაინის საზღვარზე, თვეზე მეტია უკვე ლტოლვილების ნაკადი არ წყდება. Ომის დაწყებიდან დღემდე 4 მილიონზე მეტი უკრაინელი იქცა დევნილად. Მათგან ნახევარზე მეტმა პოლონეთს შეაფარა თავი. ქალები, ბავშვები და მოხუცები 500-600 მეტრიან რიგში საათობით დგანან. Კაცები ოჯახის წევრებს საზღვრამდე აცილებენ და თვითონ ისევ ომში ბრუნდებიან მშვიდობის მოსაპოვებლად.

Უკრაინელი ლტოლვილების იძულებით გადაადგილება ქალაქ ლვოვიდან პოლონეთში საბა გორგოძემ დოკუმენტურ ფოტოებში აღბეჭდა.

უკრაინელი ლტოლვილების უმრავლესობა ჯერ ქალაქ ლვოვში გადადის, რომ იქიდან უფრო მარტივად მოხვდნენ პოლონეთში. Ლვოვში ადამიანები საათობით დგანან რიგში, რომ ავტობუსში ადგილი იპოვონ.

ლვოვში ჩამოსული ადამიანების ნაწილი პოლონეთში წასვლას უკრაინაში დარჩენას ამჯობინებს.  ლვოვში  რამდენიმე თავშესაფარია. ერთ-ერთი მათგანი ლესია კურბასის სახელობის თეატრია. Აქ  ადამიანები რამდენიმე ღამეს ათევენ.

თავშესაფარი ლვოვის ერთ-ერთ პარკშია მოწყობილი. ადამიანები იქ იმ შემთხვევაში უნდა ჩავიდნენ, როცა ქალაქში განგაშის ხმა ისმის და შენობები იბომბება. ადგილობრივებმა სხვადასხვა ინსტიტუციებისა და სამთავრობო შენობების გარშემო დამცავი ხელოვნური ბარიერები ააშენეს.

ცხელ ზონებში  გამოცდილებამ  აჩვენა, რომ ბომბებს ვერც კულტურული მემკვიდრეობა გადაურჩა.  რუსი ჯარისკაცები ყველაფერს მიზანში იღებენ.  ამიტომ, ლვოვის მერიამ გადაწყვიტა ქალაქში კულტურული მემკვიდრეობის ძეგლები დამცავი მასალით შეეფუთა.

ლიჩაკივის სასაფლაო ლვოვში. მოსახლეობა რუსეთ-უკრაინის ომში დაღუპულ ჯარისკაცებს ყოველდღე მიაგებს პატივს.

უკრაინისა და პოლონეთის საზღვრიდან რამდენიმე მეტრში უკრაინელ ლტოლვილებს სხვადასხვა ორგანიზაციის თანამშრომლები ხვდებიან. Მოხალისეები მათ საჭმელსა და პირველადი საჭიროების ნივთებს ახვედრებენ. Აწვდიან ინფორმაციას, სად შეუძლიათ პოლონეთში ღამე გაათიონ, ან როგორ წავიდნენ ევროპის ქვეყნებში.

Აქ გროვდება ტანსაცმელი პოლონეთის სხვადასხვა თავშესაფარში გასაგზავნად.

ბავშვები ისე გამოექცნენ ომს, რომ სახლიდან ვერცერთი ნივთი ვერ წამოიღეს, მათ შორის ვერც ტანსაცმელი. Სათამაშოები და ზამთრის ტანსაცმელი პოლონეთში დაახვედრეს.